ਮੂਲ ਮੰਤਰ ਸਿੱਖ ਧਰਮ ਦਾ ਸਭ ਤੋਂ ਮਹੱਤਵਪੂਰਨ ਮੰਤਰ ਹੈ। ਇਹ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਸ਼ੁਰੂਆਤ ਵਿੱਚ ਆਉਂਦਾ ਹੈ ਅਤੇ ਸਾਨੂੰ ਵਾਹਿਗੁਰੂ ਦੀ ਸੱਚੀ ਸਿਫ਼ਤ ਅਤੇ ਉਸਦੀ ਹਕੀਕਤ ਬਾਰੇ ਜਾਣਕਾਰੀ ਦਿੰਦਾ ਹੈ। ਮੂਲ ਮੰਤਰ ਸਾਨੂੰ ਇਹ ਸਮਝਾਉਂਦਾ ਹੈ ਕਿ ਪਰਮਾਤਮਾ ਕੌਣ ਹੈ ਅਤੇ ਉਸਦੇ ਗੁਣ ਕੀ ਹਨ।
ੴ ਸਤਿਨਾਮ ਕਰਤਾ ਪੁਰਖ
ਨਿਰਭਉ ਨਿਰਵੈਰ
ਅਕਾਲ ਮੂਰਤ
ਅਜੂਨੀ ਸੈਭੰ
ਗੁਰਪ੍ਰਸਾਦਿ ।
ਜਪੁ ।
ਆਦਿ ਸਚੁ ਜੁਗਾਦਿ ਸਚੁ
ਹੈ ਭੀ ਸਚੁ ਨਾਨਕ ਹੋਸੀ ਭੀ ਸਚੁ ।
ਇਸਦਾ ਅਰਥ ਹੈ ਕਿ ਸਾਰੀ ਸ੍ਰਿਸ਼ਟੀ ਦਾ ਮਾਲਕ ਇੱਕ ਹੀ ਪਰਮਾਤਮਾ ਹੈ। ਉਹੀ ਸਭ ਦਾ ਰਚਨਹਾਰ ਅਤੇ ਪਾਲਣਹਾਰ ਹੈ।
ਵਾਹਿਗੁਰੂ ਦਾ ਨਾਮ ਸੱਚਾ ਅਤੇ ਸਦੀਵੀ ਹੈ। ਉਹ ਕਦੇ ਨਹੀਂ ਬਦਲਦਾ ਅਤੇ ਹਮੇਸ਼ਾਂ ਸੱਚਾ ਰਹਿੰਦਾ ਹੈ।
ਵਾਹਿਗੁਰੂ ਸਾਰੀ ਸ੍ਰਿਸ਼ਟੀ ਦਾ ਰਚਨਹਾਰ ਹੈ। ਇਸ ਸੰਸਾਰ ਵਿੱਚ ਜੋ ਕੁਝ ਵੀ ਹੈ, ਉਹ ਸਭ ਉਸਦੀ ਰਚਨਾ ਹੈ।
ਪਰਮਾਤਮਾ ਨੂੰ ਕਿਸੇ ਦਾ ਵੀ ਡਰ ਨਹੀਂ। ਉਹ ਸਭ ਤੋਂ ਉੱਚਾ ਅਤੇ ਸਰਬਸ਼ਕਤੀਮਾਨ ਹੈ।
ਵਾਹਿਗੁਰੂ ਕਿਸੇ ਨਾਲ ਵੈਰ ਜਾਂ ਦੁਸ਼ਮਨੀ ਨਹੀਂ ਰੱਖਦਾ। ਉਹ ਸਭ ਨਾਲ ਇਕੋ ਜਿਹਾ ਪਿਆਰ ਕਰਦਾ ਹੈ।
ਪਰਮਾਤਮਾ ਸਮੇਂ ਤੋਂ ਪਰੇ ਹੈ। ਉਸਦਾ ਨਾ ਕੋਈ ਆਰੰਭ ਹੈ ਅਤੇ ਨਾ ਹੀ ਕੋਈ ਅੰਤ।
ਵਾਹਿਗੁਰੂ ਜਨਮ ਅਤੇ ਮਰਨ ਦੇ ਚੱਕਰ ਤੋਂ ਪਰੇ ਹੈ। ਉਹ ਕਿਸੇ ਵੀ ਜੋਨੀ ਵਿੱਚ ਜਨਮ ਨਹੀਂ ਲੈਂਦਾ।
ਪਰਮਾਤਮਾ ਆਪਣੇ ਆਪ ਤੋਂ ਪ੍ਰਕਾਸ਼ਮਾਨ ਹੈ। ਉਸਨੂੰ ਕਿਸੇ ਨੇ ਬਣਾਇਆ ਨਹੀਂ।
ਪਰਮਾਤਮਾ ਨੂੰ ਸਮਝਣਾ ਅਤੇ ਉਸਦੀ ਸੱਚਾਈ ਨੂੰ ਜਾਣਨਾ ਗੁਰੂ ਦੀ ਕਿਰਪਾ ਨਾਲ ਹੀ ਸੰਭਵ ਹੁੰਦਾ ਹੈ।
ਜੇ ਅਸੀਂ ਮੂਲ ਮੰਤਰ ਦੇ ਅਰਥ ਨੂੰ ਸਮਝ ਕੇ ਆਪਣੀ ਜ਼ਿੰਦਗੀ ਵਿੱਚ ਅਪਣਾਈਏ, ਤਾਂ ਸਾਡਾ ਜੀਵਨ ਸੱਚ, ਨਿਰਭਉਤਾ ਅਤੇ ਪਿਆਰ ਨਾਲ ਭਰ ਸਕਦਾ ਹੈ। ਇਹ ਸਾਨੂੰ ਵਾਹਿਗੁਰੂ ਨਾਲ ਜੋੜਦਾ ਹੈ ਅਤੇ ਸਹੀ ਜੀਵਨ ਜਿਉਣ ਦੀ ਰਸਤਾ ਦਿਖਾਉਂਦਾ ਹੈ। 🙏